venres, 24 de febreiro de 2017

60 aniversario do Conservatorio de Ourense


Novo libro: La Banda Municipal de Santiago

Beatrzi Cancela Montes vén de presentar o seu libro La Banda Municipal de Santiago: Música en las compostelanas rúas desde 1848, derivado da súa tese de doutoramento. A editorial Andavida en colaboración co Consorcio de Santiago presenta unha obra na que se efectúa un repaso pola andaina desta agrupación.
Resultado de imagen de La banda Municipal de Santiago Andavira

domingo, 13 de novembro de 2016

V Simposio Reveriano Soutullo (Ponteareas, Conservatorio de Música)

Os obxectivos do V Simposio Reveriano Soutullo
Moitas das achegas das mulleres á historia da música galega foron esquecidas debido ao papel que as mulleres ocupan na sociedade, cidadá de segunda en diferentes aspectos, e ás que se lles nega o voto nas urnas ata 1932.
Dedicamos a primeira xornada do simposio a lle dar visibilidade á presenza da muller na música galega ata o primeiro terzo do século XX. Achegámonos a unha análise dos papeis que desempeñou, a través das investigacións realizadas por varias estudosas da música, ás que se unen as realizadas pola Fundación Reveriano Soutullo.
Trátase de dar un paso cara á visibilidade da muller na historia da música. Somos conscientes de que falta moito por facer e de que se está ao principio do camiño.
Unimos pasado e presente e, como homenaxe á muller, o simposio ofrece dous concertos, o do grupo de gaitas do mosteiro de Pexegueiro e o das andeireteiras da serra do Suído, mulleres que recompilan cancións do municipio do Covelo, cantadas polas súas nais e avoas nos seráns, labranzas e merendas.

A segunda xornada céntrase na recuperación da obra de Soutullo, un dos obxectivos prioritarios da Fundación Soutullo, e no que aínda falta moito por facer. Acompañan os traballos de divulgación, edición e recuperación do patrimonio, que abordamos desde diferentes ángulos.
O obxectivo é tamén darlle visibilidade, nesta segunda xornada, á música de Soutullo. E darlle visibilidade permite sempre un enfoque máis amplo, real e xusto na historia da música galega.
Pechamos coa presentación das bases do primeiro certame de piano Reveriano Soutullo, que se celebrará na primavera do próximo ano 2017, no que Alejo Amoedo interpretará as dúas obras obrigadas desta primeira edición.

O papel da muller na música ata o primeiro terzo do século XX
Sábado 19 novembro 2016
Coordina: Rafael Pérez Dopeso
10:30 - Presentación do V Simposio.
11:00 - Lorena López Cobas. A presenza invisible: a proxección musical da muller no século XIX en Galicia.
11:50 - Rosario Martínez  Martínez e Beatriz López-Suevos Hernández.  Eugenia Osterberger. Compositora do século XIX.
12:40 - Fundación Reveriano Soutullo Otero. Incursións e realizacións  da muller no  mundo da  música en Galicia (primeiro  terzo do século XX).
13:30 - Concerto: O mosteiro de Pexegueiro (Tui).

Coordina: José Manuel Solleiro Rodríguez
16:30 - Carmen Losada Gallego. Evolución do paradigma da muller pianista en Vigo (1857-1936).
17:20 - Mª Rosa Arija Soutullo. As mulleres no campo da composición na chamada Era de Prata.
18:10 -  Isabel Blanco Franco. As mulleres e a música: as voces silenciadas.
19:00 - As pandeireteiras da serra do Suído (O Covelo). Traballo de campo e concerto.
20:00 - Peche  da xornada e recoñecementos.

A recuperación da obra de Soutullo
Domingo 20 novembro 2016
Coordina: Xavier Jurado Luque
10:30 - Xavier Garrote Cobelo. O arquivo musical da Banda Garrote-Ortigueira: Actuación na conservación do arquivo.
11:10 - Alejo Amoedo Portela. A obra de Reveriano Soutullo no arquivo musical da Banda Garrote-Ortigueira.
11:50 - Carlos Diéguez Beltrán. O proxecto da Banda Sinfónica Infantil de Galicia e a Fundación Reveriano Soutullo Otero.
12:30 - Mª Rosa Arija Soutullo. Novos camiños de investigación no  arquivo Garrote-Ortigueira para o traballo de recuperación da obra de Soutullo.
13:00 - Xavier Jurado Luque. O proceso da edición de Amores de aldea.
13:45 - Audición das obras de Soutullo editadas pola Asociación Nacional de Directores de Banda: Cidra e Balancé. Entrega das partituras.

Coordina: José Manuel Solleiro Rodríguez
16:30 - Fundación Reveriano Soutullo. A recuperación do patrimonio de Soutullo. A  prensa.
17:00 -  Roberto Conde Bouza.  O piano Montano do mestre Soutullo.
17:40 - Pablo Abreu Fernández. A presenza da editorial Soutullo-Villanueva nos arquivos da Banda Municipal de Vigo.
18:20 - José Manuel Solleiro. Estado das obras de Soutullo localizadas nos  aquivos da Banda Municipal de Vigo.
19:00 - Presentación das bases do primeiro concurso de piano Reveriano Soutullo.
19:30 - Alejo Amoedo Portela. Interpretación das obras obrigatorias do primeiro concurso  de piano.




venres, 8 de xaneiro de 2016

Novas teses de doutoramento

Seguimos coa lectura de teses de doutoramento  interesantes para a Historia da Música en Galicia.

O pasado 14 de decembro de 2015 levouse a termo a lectura e defensa da tese de doutoramento de Carlos Cambeiro Alís titulada 'Manuel Quiroga Losada: estudo analítico da súa vida e obra musical' e dirixida por Carlos Villanueva Abelairas.

domingo, 22 de novembro de 2015

Recentes lecturas de teses de doutoramento

Nos últimos meses estamos asistindo á defensa de interesantes teses de doutoramento sobre a música en Galicia, especialmente dos séculos XIX e XX: 

- Beatriz Cancela Montes defendeu na Universidade de Oviedo: La Banda Municipal de Música de Santiago de Compostela (1848-2015).

Carolina Queipo Gutiérrez presentou na Universidade de La Rioja: Élite, coleccionismo y prácticas musicales en La Coruña de la Restauración (ca.1815-1848): el fondo musical Adalid.

- Nuria Barros Presas defendeu na Universidade de Oviedo: La vida musical en la ciudad de Pontevedra (1878-1903)

- Carmen Losada Gallego presentou na Universidade de Santiago de Compostela: Mujeres pianistas en Vigo. Del salón aristocrático a la Edad de Plata (1857-1936).

luns, 4 de maio de 2015

Obras de guitarra inéditas de Juan José Mantecón e Jesús Bal y Gay por Samuel Diz

Nova publicación: un interesante artigo que nos achega a dúas obras inéditas para guitarra de dous compositores galegos que traballaron no entorno da Xeración do 27 española. Trátase da obra Atardecer de Juan José Mantecón e Pastoral de Jesús Bal y Gay. 



·   DIZ, Samuel. “As inéditas obras para guitarra de Juan José Mantecón e Jesús Bal y Gay, as dúas figuras musicais galegas da Generación del 27”. En: Madrygal. Revista de Estudios Gallegos, 18 (2015), 547-554. 

venres, 13 de febreiro de 2015

Nova publicación



La huella wagneriana y la ópera en Emilia Pardo Bazán. Libros recomendados de música clásica y ópera en Clasica2
Interesante aportación de Xosé-Carlos Ríos: La huella wagneriana y la ópera en Emilia Pardo Bazán. Del Teatro Imperial de Viena al Teatro Real de Madrid, pasando por Coruña (1873-1921). Esta publicación do 2013 foi editada pola Asociación Wagneriana da Galiza. Máis información aquí.